عبدالله سعيد
31-10-2006, 01:03 PM
:
:
أحبتي في جهات ..
أصافح بياض قلوبكم بهذه المحاورة والتي جرت بيني وبين الشاعر عيضة السفياني قبل ايام , أثناء سفرنا من الطائف إلى الرياض .
علها تجد في قلوبكم بعض الرضا .
عيضة السفياني
سلام ردية موضوعها عن حسن الاخلاق
تاصل لعبدالله ابن سعيد وتهذب لسانه
مجبول طبعك يــ عبدالله على تفتيش الاوراق
وانته مــ لك في قلوب الناس والاوراق خانة
عبدالله سعيد
يا مرحبا والشرر قداح من تنور الاعماق
بالشاعر اللي يناظرنا بطبعه في زمانه
يــ بن محمد يــ عيضة سمعتي من سد الاشفاق
رجال معروف عند الناس ولسانه حصانه
عيضة السفياني
ابجبر بخاطرك وان عدتها بكسر لك الساق
خلك فــ شانك وخل الناس كلٍ عند شانه
دروب مكة طويلة واختصرناها بالانفاق
انفاق ماغيرت ملة ولا خلت ديانه
عبدالله سعيد
ماني بمكسور خاطر يوم اشوفك تشهق اشهاق
وان ضقت من لاش جدر البيت باقي في مكانه
ما اشم من زعفران الطيب لا يبسن الارياق
اشم بارود وانت اللي تشم الزعفرانه
عيضة السفياني
آثرك شين الخلق ولوالدتك الطيبة عاق
واليا نشدتك تعلج العلم من علج اللبانة
من عيني اصحابنا جاتك تساقط مثل الاوراق
واطيبهم اللي يقول افلان قالت له فلانه
عبدالله سعيد
يارب نحمدك والاسلام عدل ومحكم اوثاق
وانته لــ تتهم بدون اسباب اسميها خيانه
اللي يدنجل على العالم ويشرب وسط الاسواق
يصبر على الفرش من كرباج والا خيزرانة
عيضة السفياني
من زود فطنتك تسبر شمسكم قدام الاشراق
وتطوف بالعكس وتصلي العشا قدام اذانه
ذكرتني ماركة باسمك تسجل فوق الاحقاق
باسبابها كمّ من واحد مسح عقله جنانه
عبدالله سعيد
يا مدعي الرزق والله فالسما قسام الارزاق
مانته بوالي على الكوفة وسيد في كنانة
لك سابقة فالسجون مدونة مانته بصدّاق
يشهد عليك الشفا وحجارته وبعيثرانه
عيضة السفياني
اللي يجي مرحبا واللي يرح جعله بطقاق
الكحل بعيونه الثنتين وبخشمه دهانة
كشفت سرك وسرك كان فوقه سبعة اطباق
بعض الدعاوي على اللي قالها تهمة وادانة
عبدالله سعيد
ماهي بدعوى ولكن يالحبيب انحق الاحقاق
ترمي بتهمة وتلقى الرد من عندي تكانة
والسر مكشوف ما يبغى لسرك عين واحداق
يانايم اصحى على راسك تثور الجبخانة
:
:
وقت سعيد اتمناه لكم
:
أحبتي في جهات ..
أصافح بياض قلوبكم بهذه المحاورة والتي جرت بيني وبين الشاعر عيضة السفياني قبل ايام , أثناء سفرنا من الطائف إلى الرياض .
علها تجد في قلوبكم بعض الرضا .
عيضة السفياني
سلام ردية موضوعها عن حسن الاخلاق
تاصل لعبدالله ابن سعيد وتهذب لسانه
مجبول طبعك يــ عبدالله على تفتيش الاوراق
وانته مــ لك في قلوب الناس والاوراق خانة
عبدالله سعيد
يا مرحبا والشرر قداح من تنور الاعماق
بالشاعر اللي يناظرنا بطبعه في زمانه
يــ بن محمد يــ عيضة سمعتي من سد الاشفاق
رجال معروف عند الناس ولسانه حصانه
عيضة السفياني
ابجبر بخاطرك وان عدتها بكسر لك الساق
خلك فــ شانك وخل الناس كلٍ عند شانه
دروب مكة طويلة واختصرناها بالانفاق
انفاق ماغيرت ملة ولا خلت ديانه
عبدالله سعيد
ماني بمكسور خاطر يوم اشوفك تشهق اشهاق
وان ضقت من لاش جدر البيت باقي في مكانه
ما اشم من زعفران الطيب لا يبسن الارياق
اشم بارود وانت اللي تشم الزعفرانه
عيضة السفياني
آثرك شين الخلق ولوالدتك الطيبة عاق
واليا نشدتك تعلج العلم من علج اللبانة
من عيني اصحابنا جاتك تساقط مثل الاوراق
واطيبهم اللي يقول افلان قالت له فلانه
عبدالله سعيد
يارب نحمدك والاسلام عدل ومحكم اوثاق
وانته لــ تتهم بدون اسباب اسميها خيانه
اللي يدنجل على العالم ويشرب وسط الاسواق
يصبر على الفرش من كرباج والا خيزرانة
عيضة السفياني
من زود فطنتك تسبر شمسكم قدام الاشراق
وتطوف بالعكس وتصلي العشا قدام اذانه
ذكرتني ماركة باسمك تسجل فوق الاحقاق
باسبابها كمّ من واحد مسح عقله جنانه
عبدالله سعيد
يا مدعي الرزق والله فالسما قسام الارزاق
مانته بوالي على الكوفة وسيد في كنانة
لك سابقة فالسجون مدونة مانته بصدّاق
يشهد عليك الشفا وحجارته وبعيثرانه
عيضة السفياني
اللي يجي مرحبا واللي يرح جعله بطقاق
الكحل بعيونه الثنتين وبخشمه دهانة
كشفت سرك وسرك كان فوقه سبعة اطباق
بعض الدعاوي على اللي قالها تهمة وادانة
عبدالله سعيد
ماهي بدعوى ولكن يالحبيب انحق الاحقاق
ترمي بتهمة وتلقى الرد من عندي تكانة
والسر مكشوف ما يبغى لسرك عين واحداق
يانايم اصحى على راسك تثور الجبخانة
:
:
وقت سعيد اتمناه لكم